isa haka mana Dagger. Abin da ya kawo nasarar Target Zak-Shadow a wancan lokacin har zuwa yanzu ba ƙarfin bindiga bane dabarunsa ne kawai da iya salon yaƙi, dan haka muma fusatarmu ba itace zata bamu nasara ba wayonmu ne da iya taku, ƙarfin makaman mu kariya kawai sunansu. Dan haka kai da yaranka zaku raba sojojin nasa da yankunan da yake tsarewa ne farko, rarrabuwa zai zama rauni a garesu ƙwarai da gaske musamman da shi ne dama ya fisu idon hangen nesa yanzu kuma baya kusa”.
       Raven dake kusa da shi ya ƙyalƙyale da dariyar mugunta , “Hakane kuma fa Mr Specter! Dagger zaku tura labari na ƙarya a gabashi cewa za a kai hari. Captains ɗinsa za su tattara sojoji su nufi can. A lokaci guda, ku kuma ku tarwatsa yammacin ƙasa da ƙarfin ƙwanjin ku da dabaru.”
       “Yesss! Tsarin Raven yayi shima, Dagger ruɗanin da zaku sakasu a ciki shine zai zama nasarar mu. Lokacin da jama’a suka ga sojojin Zak-Shadow sun kasa tsare yankuna, tsoro zai cika zukatansu. Kunga abin da tsoro ya fara lalatawa, baku da buƙatar harbi mai yawa akan yaransa, dan target ɗinmu ba'a kansu bane kawai, koma muce ba'a kansu bane, akan yankunan wajen ne da shi Ogan nasu”. Cewar Iron Fang kenan yana jingina da kujera cike da jin kai da ƙasaita, dan muryar tasa ma da nauyi take fita da isa, gashi ɗan tsirit kamar kazar mayu hegen.
     Miƙewa tsaye Scythe yayi yana wani watsa hannaye da ɗagasu sama kamar sabon boka, gashi ƙaton gaske ɗan taran kamar buhun geron kakana. Cikin wagegiyar muryarsa mara daɗin ji ya ce, “Duhu zai mamaye su ƙwarai da gaske, Zamu haifar da tashin hankali daga gabashi zuwa Yammaci, daga dukanin karkarar dake zagaye da jejin da su. Lokacin da saƙo zai isarma Target yay tunanin dawowa daga tafiyarsa, zai tarar da ragowar ƙungiyarsa a cikin ƙura da jini, shi kuma zai faɗa ainahin tarkonmu. Dan a dai-dai gaɓar zai ɗaura ƙawance na gaskiya da handcuffs”.
       Rafff! Raf!! Rafff!!! Kake ji tafi na tashi.
     Oga kwata da baice uffan ba tun fara meeting ɗin sai a yanzu ya buɗe baki cike da isa ya furta “…Babu wanda zai tsira daga wannan shiri. Duk wanda ya tsaya a kan hanyar mu dama, zai bace cikin inuwar duhunmu ne, dan haka wannan ƙalubalen naka ne Dagger, kasani idan muka rasa nasara koda ɗaya ce kaima zaka rasa kanka, dan bamu shigo wannan ƙasar taku domin rera muku waƙoƙin yabo ko tatsuniya kuyita nishaɗi ba. Mune iyayen gidanku a jiya, a yau da gobe dole ku cigaba da zama ƙarƙashin zartarwar mu dan arziƙinku shine ƙarfinmu”.
        Sosai zantukan oga suka soki Dagger, ashe dai duk da yake shege akwai ɓurɓushin kishin ƙasar a can ƙasan zuciyarsa. Amma saboda kuɗi da son duniya sai ya shiga jinjina kai irin na girmamawa.
      Shiru sukayi na ɗan lokaci a karo na farko gaba ɗaya, sannan Eclipse ya miƙe cike da gadarar masu jin su sune manyan shegun duniya. Kai tsaye ya furta “An gama yanke hukunci. Operation Shattershield ya fara daga wannan dare. Duk ku shirya. Lokacin da Zak-Shadow ya sulale daga jeji, mu kuma za mu sulale da mulkinsa. Dagger zaka wuce ka fara aikinka, kaida duk yaranka zakuji alert”.
        A tare suka ɗora hannayensu a kan tebur ɗin tsakkiyar falon, kowanne yana kiran laƙabinsa kamar alwashin ƙaddarar nasara da suke jin ta tabbata dole (Mahaukata)  “Eclipse! Specter! Dagger! Raven! Black Spider! Scythe! Viper! Iron Fang! Ashen! muna cikin duhu, kuma duhu ne zai mamaye Target ɗinmu Zak-Shadow!”.

        Hummmm!! Zakuga duhu kuwa a lahira😭, kai tun anan duniya ma zaku cigaba da zama a duhun🙄.

_______________

          A lokacin da masu makirci ke shirya zalunci acan , anan Mazan fama ne ke isa gida gabannin asubahi. Ƙarfe huɗu da wasu mintuna ya tsaida ƙaton mashin ɗinsa ɓaki wulik ƙatoton gaske da a kallo ɗaya zaka san ba siyen yara bane sai dai manya, dan kuwa ƙirace ta musamman, sannan yana kiransa da suna na musamm *(Black Phantom)* shi da kansa.
       A ƙofar wani baƙin gate ya tsaida shi, kasancewar anguwar da akwai wuta ko'ina da haskensa, hakan ya bashi damar bin street ɗin da kallo ta cikin hular matsin ɗin da gilashin ta daya sakaya idonsa. Sai da ya gama nazartar komai yanda yake buƙata kafin ya ciro wayarsa ya daddana ya kai kunnensa, cikin buɗaɗɗiyar muryarsa da ta ɗan shaƙe alamar iskar mashin da ya sha ya furta, “Taso ka buɗe min ƙofa”. Daga haka bai jira komai ba ya sauke wayar.
     Cikakken mintuna huɗu ba'ayi ba wani ɗan saurayi da bazai wuce shekaru goma sha takwas ba ya buɗe ƙofar gate ɗin, cike da girmamawa ya ce, “Sannu da zuwa Dada”.
     Maimakon amsa mishi mashin ɗin ya tayar, haskashi da yay da fitilar mashin ɗin ya bayyana yanda ya sako jallabiyar jikinsa a baibai alamar sauri. Ciki ya shige, shi kuma ya maida gate ɗin ya rufe. Duk da akwai haske na security light ya haska ko'ina na gidan babu abinda zan iya ƙararwa game da gidan face ganin flat biyu jere da juna. Sai motoci biyu dake fake a gefe inda yake ƙoƙarin faka mashin ɗin nasa, da mashin roba-roba guda biyu suma. Yana ƙoƙarin sauka a mashan ɗin bayan ya kafesa matashin saurayin ya ƙaraso inda yake, sannu da zuwa ya sake masa cike da nutsuwa da girmamawa, yanzun ma bai amsa masa ba sai da ya cire hular mashin ɗin kansa ya ɗan jujjuya kan sannan ya furta, “Ya kake?”. A taƙaice.
     “Alhamdullahi Dada, ya hanya?”.
Saurayin ya faɗa yana amsar hular, sai kuma ya sake miƙa hannu zai amshi bag ɗin dake goye a bayansa.
      “Karka damu jeka kwanta zan shiga da ita”. Ya faɗa batare daya bashi jakar ba. Shima baiyi musu ba dan tsakaninsu babu wannan. Flat ɗin hannun dama ya nufa, saurayin ya wuce wanda ke gefen haggu ɗauke da hular mashin ɗin yana binsa da kallo da ɗan murmushi. A hankali ya furta, “Dodon gidanmu ya zo, gobe zakaji gidan nan kamar anyi mutuwa kowa yayi nutsuwar dole barema ƴan iskan yaran can da suka cika mana gida”.

      Shi kam da bai san ƙanin nasa na gulmarsa a zuciya ba ɗaya daga cikin keys ɗin dake tare dana mashin ɗinsa dama wasu da yawa a jiki ya saka a ƙofar sashen ya buɗe, kai tsaye ya shige tare da maida ƙofar ya rufe. Fitilar falon a kunne suke haske fayau, dan tun kan ma ya shigo daga can waje ya fahimci hakan, sai tv da itama take a kunne tanata aiki. Kansa ya ɗan girgiza tare da jan ƙaramin tsaki, sai kuma ya shiga bin falon da kallo. Babba ne ba laifi, akwai kujeru masu ƙyau kalar ruwan toka ƙirar ƙasar waje. Hakama carpet ɗin tsakkiyarsu mai ƙyau ne, sai tvn bango, falo dai na dai-dai mai wadata ba masu arnan kuɗi ba. Centre table ɗin kujerun cike yake da plates da ledojin ruwa da aka sha, sai kwalaben lemon kwalba guda huɗu wasu ma ba'a gama shanyewa ba. A yanda fuskarsa ta sake tsukewa lokaci guda zai baka tabbacin baya son ƙazanta sam. Duk da kuwa bayan kwanikan babu wani datti da falon ke da shi mai nuni da rashin gyarawa ko ƙazatar. Da yake manya su manyanne ko fitilar bai kashe ba yay gaba abinsa zuwa wata ƙofar gilashi dake tacan ƙarshen falon. Hannu yasa ya tura gefe ɗaya suka haɗe a waje guda, kai daga ganin yanda gilashin yake ƙal-ƙal kasan ana kula da tsaftarsa sosai, koda ya shiga corridor ne mai tsaho ƙaɗan da ƙofa ɗaya tal a cikinsa, yaja ƙofar gilashin ya rufe sannan ya nufi ƙofar dake tabbatar da bedroom ɗinsa ne. Ilai kuwa hakan ne, dan yana buɗeta ƙaton bedroom ya bayyana sakamakon kunna fitilar ɗakin da yay, gado ne mai ƙyau 6-by-6, sai wadrobe ɗinsa da mirror, gefe kaɗan shiryayyun kujeru ne tamkar falo harda tv suma dai irin gadon sak. Komai dake ɗakin fari ne tas, in ka cire carpet ɗin dake malale a ɗakin gaba ɗaya kalar blue, suma labulaye fafare ne. Kaida kaga ɗakin kasan ana kula da tsaftarsa akai-akai, dan duk da babu kowa cikinsa ko ina tsaff ga ƙamshi mai daɗi na tashi, sai dai gadon babu bedsheed a kansa.
      Kujerun kawai ya nufa ya zube a cikin 1sitter yana mai sauke  numfashi da ɗan dafe kansa, sai kuma ya jingina bayansa da kan gaba ɗaya a jikin kujerar ya rufe idanu ruff. Yafi mintuna biyar a hakan kafin ya buɗesu ya ɗago ya fara kunce zaren takalminsa, safar ciki ma ya cire sannan ya tashi yana cire maɓallan rigarsa da fara takawa a cike da nauyin jiki irin na mai doguwar tafiya zuwa ƙofar dake tabbatar da toilet ce. Ya jima a ciki sai gashi ya fito ɗaure da towel, da wani a hannunsa yana faman goge jiki, agogo ya kalla, sai kuma ya nufi wadrobe ya ciro doguwar riga. Babu ɓata lokaci ya shirya a cikinta ya saka sallaya a ɗan lungun gadon ya kabbara salla. Da alama yana son ƙarasa abinda ya rage na daren ne da ibadar daya sabarma kansa akowane dare, dan yana a wajen har akai kiran sallar farko, sannan ya miƙe zuwa wajen mirror ɗin ɗakin ya ɗauka turare ya saka ya fice a ɗakin gaba ɗaya.
        Ana idar da sallar asuba daya fita yi massalaci ko ƙannensa bai bari sun ganshi ba ya dawo gidan, sashen dai ɗazun ya shiga, komai kuma na a yanda ya barshi babu alamar wani ya tashi yin salla ma. Haka ya sake wucewarsa ɗakin ɗazun, koda ya shiga saida ya sakama ƙofar key sannan ya wuce wadrobe ya fiddo wata leda babba mai ɗauke da zanen gado, fiddoshi yay da kansa ya shinfiɗa fari tas, ya saka rigar filo ɗaya ya cire jallabiyar jikinsa ya haye gadon daga shi sai boxer ya kwanta. Sai lokacin ya kai hannu ya kashe fitilar ɗakin duhu ya mamaye ko'ina............✍🏼

     Hummm masu karatu, ga Zak-Shadow anan zai sha barci. Ga maƙiya can idonsu biyu suna shirya babbar ɓarnar tarwatsa komai harda shi kansa mai gayya da aikin😭.

Su waye iyalan Zak-Shadow?

Minene ainahin sunan Zak-Shadow?

Su waye zuri'ar Zak-Shadow?.

Wacece mace mai ciki da suka haɗu da su Zak-Shadow a shekarun baya har ta kasance cikin mafarkinsa saboda nauyin amana?

Yaya su Major Imran Abbas babban amini kuma ɗan uwan Zak-Shadow zasu ƙare a jeji?

Shin ƙungiyar DUHU zasu samu nasara kuwa?

    Rigiji gabji, abubuwan fa da yawa suke, dan wannan labarin da kuke gani cakwakiyar cikinsa ta musamman ce. Akwai ɗan karan: ƙulli, makirci, gwagwarmaya, rikici, kitumurmura, nagartaccen zumunci, jajircewar wata JARUMAR UWA, JARUMTAR MAZAJEN FAMA, tsaftatacciyar soyayya mai narka zuciya da gaɓɓai, (kai ku kanku ko kun daina soyayya sai kun dawo ruwa a wannan gaɓar😂). Nasarorin masu gaskiya da sakamakon da zasu ɗauka..

Hoho abinfa ba'a cewa komai, dan ba lallai ku gane mi nake son sanar muku ba sai kun karanta KIƊA A RUWA MAI MAGANIN DODONNI💪. Wato labarin nan ko, hummm ni kaina fa..... To bari dai nayi shiru kawai🤭. Amma ku sani takowane fanni yazo da wani irin sabon salo ne da sai ka karanta kawai zaka gane. Ba cika muku baki nake ba, in sha ALLAHU da ƙarfin ikon ALLAH zakuga tabbacin fiye da abinda na faɗa muku. Ku dai ku kasance kawai a wannan tafiyar dan ta musamman ce😉🤤☺️☺️😋😋😀👍🏼.

Free pages sun ƙare, masu buƙatar wannan labari sai ku garzayo.💃💃💃💃


☺️Mutane na kuma masoyana ƴan bati dan ALLAH bana kar aci batin nan, kun san kuda Bilyn Abdull akwai amana soyayya take muku irin ta musamman ɗin nan. To kada ku bani kunya 500 ba komai bace ba, idan ka sauke haƙƙin wahalar wani kaima ALLAH bazai bar kowa ya cutar da kasuwancinka ba. Maza kuzo ku sayi naku, kuma in sha ALLAHU kasuwancinku zai yi albarka, ba kuma zaiba ƴan bashi damar riƙe muku kuɗaɗe ba da izinin UBANGIJI. Dan wannan kuɗin kaɗan da muke rainawa na littafi sai su zame mana ƙarfen ƙafa idan bamu sani ba. Babu wani hakki da yake mai sauƙi ga bawa koda na harar wani ne. Rubutu akwai wahala, bazaku gane bane, sannan muma business mukeyi kamar yanda kuke fitowa tallata hajojinku a media, dan ALLAH mutanena a daure kar a ci batin nan babu amfani🥰🥰🥰🥰❤️👍🏼.

😀Masoya abokan tafiya akoda yaushe jinjinarku ta musamman ne👍🏼, dan kuwa kuɗin na musamman ne a wajen bilyn Abdull, babu abinda zance sai godiya da fatan ALLAH ya haɗamu a aljannarsa muyita zumunci muna farin ciki. Yanda kuke ƙoƙarin sauke nauyi kuma ALLAH ya bama wanda suka ɗauki nauyin sayen kayanku damar sauke nauyi ta hanyar biyanku, ya sakama kasuwancinku albarka da kasuwa tako ina❤️❤️❤️❤️🥰🙏.

         
🙄Masu sauke mana littafi a arewa. Masu saka mana Littafi a website ɗinku bada izini ba, masu kai mana littafi YouTube bada izini ba su canja masa suna. Masu sayar mana da littafi a facebook ko WhatsApp su buɗe groups ko WhatsApp Channels suna amsar kuɗaɗen mutane kuzo ku saya a wajenmu da munyi posting ku ɗauka ku tura musu ku kuma alhalin bada izninmu ba, kuji TSORON ALLAH! KUJI TSORON ALLAH!! KUJI TSORON ALLAH!!!. Ku tuna zaku biya wannan hakkin da abu mai darajane a ranar da kuɗi basu da tasiri, a lokacin da ya ƙure na neman yafiyarmu, a lokacin da aikin lada keda muhimmanci a gareku, kuke gudun ƙarin zunuban wanda kuka zalunta. Bance ku daina ba, ba kuma zan roƙeku ku daina ba, amma ku shirya da shiri mai girman gaske, domin akwai ranar DANA SANI, zata zo ko ka yarda ko baka yarda ba, ƙilama tun a nan duniya zaka fara girba daga naka sakamakon. Idan kukazo garemu zamu iya tsara yanda zaku amshi lirtatanmu cikin mutunta juna ku saka a duk inda kuke so batare da kunci hakkin kowa ba. Dan haka shawara ta ƙarshe. Masu Website, masu kai books Facebook, masu buɗe group a WhatsApp suna saidawa. Dama masu bi da shi tako wace hanya kuna da damar zuwa garemu, in ba haka ba kuma zamu cigaba da kwana kan buzu😂 muna kaima ALLAH kukanmu a kanku🥲, abinda baku sani ba kowanne irin mugunta bata hana nasara, sannan baya hana mai nema samu daga abinda UBANGIJI ya ƙaddara masa, kuna ɗorama kanku nauyi ne batare da mu kun ragemu da komai daga abinda ALLAH ya ƙaddara garemu ba, dan nasara ma kuke ƙara mana kune baku sani ba wlhy, dan ALLAH karku bari hakan ta faru. Yanda bana fatan komawa ga ALLAH da hakkin kowa, haka bana fatan kowa ya koga ga UBANGIJI da hakkina, mu zama masoya na gaskiya musulman ƙwarai kuma ƴan uwan juna masu son cigaban kansu dana ƴan uwansu. Fatan alkairi a gareku a duk inda kuke😀🥰🥰❤️❤️❤️🙏👍🏼.


_______________


_Zaku sameshi a waɗan nan manhajar guda uku in sha ALLAHU._

*_NIGER🇳🇪- (500 Fcfa)_*
*_+227 98 94 12 81_*
*_My NITA_*

_Shaidar biya👇_

*_Whatsapp number_*
*_+227 98 94 12 81_*


*_TELEGRAM VIP 1000 (1K)_*

*9032345899*
*_Moniepoint MFB_*
*_BILKISU MUSA IBRAHIM_*

*_KATI MTN (1k)_*
*_09032345899_*


*_Shaidar biya: 👇_*
*_Telegram Number 09032345899_*


*_AREWABOOKS (Vvip)_*
*_Chapters & Audio_*
@BilynAbdull

*_WHATSAPP (500)_*

*1487616276*
*_Access Bank_*
*_Bilkisa Ibrahim Musa_*


*_Kati MTN:- (500)_*
*_09032345899_*


*_Shaidar biya:-_*
*_Whatsapp Number +234 805 568 7449_*


*_MASU SON A TALLATA MUSU KAYANSU SUMA_*

*_WhatsApp Number 👇_*
*+234 805 568 7449*
*_Telegram Number👇_*
*+234 903 234 5899*


********************** ⬇ **************************
********** Ai Hausa Novels ****************
*************************⬆ **********************

DOWNLOAD More complete Hausa Novels, Education Books, Adventure, Drama, Mystery, Religion, Fiction, Non-Fiction, Romance, Meimor, True Life Stories & Others from our blog.

Visit > https://www.aihausanovels.com.ng

Ka tura mana sako ta adireshinmu na email, domin tuntubarmu ko turo mana hausa novel ko kuma post.

Email > aihausabooks@gmail.com

******* FOLLOW US ******

Facebook: Ai Hausa Novels

Twitter: Ai Hausa Novels

Telegram Channel: https://t.me/Aihausanovels

WhatsApp Number: 09017242889


Haka kuma domin shiga kowanne daga cikinsu za ku iya ziyartar shafin ku yi search na AI HAUSA NOVELS, hatta facebook group dinmu ma za ku samu.

********************** ⬇ **************************
*************** Ai Hausa Novels ****************
********************** ⬆ **************************



*_ALLAH ya gafartama iyayenmu 😭🙏_*